Den fyrste song

Den fyrste song eg høyra fekk,
var mor si song ved vogga,

dei mjuke vek til hjarta gjekk,
dei kunne gråten stogga.

Dei sulla meg så underleg,
så stilt og mjukt te sova,
dei synte meg ein fager veg
opp frå vår vesle stova.

Den  vegen ser eg enno tidt,
når eg får auga kvila.
Der stend ein engel, smiler blidt,
som berre ei kan smila.

Og når eg sliten trøytnar av
i strid mot alt som veilar,
eg høyrer stilt frå mor si grav
den song som allting heilar.